متعرفش انها هيه

انساها يقلبى وانسى حبها
كفايه بقى عذاب وجروح منها
هى باعتك وانت جنبها
هترجع تانى تقربلها
عارفك يقلبى وعارف اد ايه حنيتك
خايف تبعد عنها تيجى تقولك ايه اللى غيرك
وساعتها هتخاف تصارحها بحبك لها
مش ذنبها انها مش حاسه بيك مش ذنبها
قلت لنفسى هابعد عنها و ارجعلها
يمكن لما تشوفنى تبص فى عينى وتحسها
وتيجى تقولى وحشتنى وتمسك ايديه
وانا من فرحتى انسى الدنيا كلها
عملت كده وفعلا بعدت عنها ولما رجعت
جريت عليا و مسكت ايديه
فرحت بقربها
لقيتها بتزقنى وبتعرفنى ع واحد حبها
قلتلها عرفتيه امتى قلتلى وانت مش هنا
ضحكت وقلت لنفسى يعنى هنا اومش هنا مش فرقه بقى
يعنى هيه حسيت بيك وانت جنبها عشان تحس بيك وانت بعيد عنها
ضحكت فوشها وقلتلها مبروك وطبطبت على كتفها
وسيبتها وانا قلبى يبكى على بعدها
جات ورايه قلتلى مالك شكلك مش عجبنى
قلتلها حبيت واحده وسابتنى
قلتلى اروح قولها انك بتحبها
ضحكت وقلتلها مينفعش خلاص بقى
وكملت طريقى ومشيت بعيد عنها
وبصيت عليها لقيتها مضيقه من البنت اللى بحبها
عشان سابتنى وكسرت قلبى ومحستش بيا وهيه متعرفش انها هيه

ريمون سمير

lo_valentinu_ve@yahoo.com